• Lorient 2009 Flickr

    DSC_1409DSC_1388DSC_1379DSC_1374DSC_1366DSC_1356DSC_1345DSC_1320DSC_1311DSC_1302DSC_1297DSC_1290DSC_1284DSC_1280DSC_0074DSC_0055DSC_0053DSC_0047IMG_5412IMG_5401

El Festival de Lorient y “La vida sigue igual”

Too sigue igual per Lorient 9 años dempués. Fred Morrison sigue tocando equí (y de mieu), los kebabs son caros y la xente peslla les nueches na Carpa d’Asturies que ye la que más folixa asegura durante too’l Festival. Camuden les cares, sobre too porque la xente de les nueches paez que nun avieyó y uno sí, y camuden los nomes, pero l’espíritu célticu sigue presente: Xintar y beber mientres les gaites faente saltar. Y ensín embargu pa que too siga igual, too tien que camudar.

Semeya del single de Julio Iglesias

Comu nel restu de les coses de la vida, los astures perdieron esa inocencia que podía facete viaxar nes peores condiciones pa poder tar nel “Paraisu Celta”. Ya nun tan a la güeta del Santu Trisquel que los llibere del yugu del flamencu y los toros. Tampoco necesiten amosar la su pertenencia al mundu celta, más agora qu’en delles tiendes pue mercase una bandera con la nuesa xunia a toles demás con un trisquel, como no, sellando un pautu ent’elles que riete tú del de Santoña.

Agora la xente vien a facer el celta, a conocer milenta sidres de milenta llugares (dende la tibia sidra de 8 graos de Cornualles a la xelada de Bretaña pasando por la gasificada d’Irlanda o la reposada d’Escocia), a comer marisco (los mexillones a 12 euros el kilu y les ostres a 5 la docena) y a baillar ta l’alborada. La parte reividindicativa ya ideolóxica que tuvo esti Festival nos finales de los 80 y los 90 morrio y fue horrible. Agora ya sólo ye un Festival Celta, eso sí el mellor Festival Celta del mundiu y eso ya se muncho decir.

Leave a Reply

You must be logged in to post a comment.