Los Ciquitrinos sorprendieron al públicu de Lorient na so primer actuación del Festival d’esti añu, na que foron enforma aplaudíos dende qu’entamaron a les 10 de la nuechi nel Espace Bretagne. La música irónica y desenfadada y la puesta n’escena a lo Xavier Cugat encandiló a los bretones qu’aplaudieron a rabiar mesmo que los asturianos presentes na ciudá bretona nestos díes de Festival.
Col so conceutu d’orques de romería y la gayola qu’amuesen davezu, acompangada nesta ocasión por un francés d’andar por casa, los Ciquitrinos foron los más aplaudíos nesti escenariu del Festival dende qu’entamara’l vienres pasáu. La so amestadura ente folk y orquesta cañí dio’l meyor de los frutos delantre d’un públicu predispuestu que yá lleva viendo les evoluciones d’Indalecio nel escenario dende la fin de selmana gracies a les so actuaciones con La Curuxa na carpa Asturiana.
Tres de l’actuación del teloneru, Jimme O’Neill, vocalista y guitarra de los míticos “The Silencers”, Donal Lunny, Davy Spillane y el restu de músicos que formen el grupu instrumental de música folk más nomáu del arcu atlánticu amosaron un conciertu tan equilibráu y brillante que de xuru tuvo de resultar inolvidable pa les más de dos mil persones que s’aconceyaron nel Espace Marine de Lorient. Read more »
Jimme O’Neill, vocalista y guitarra de los míticos “The Silencers” foi’l teloneru de Moving Hearts en Lorient anticipando’l que diba ser, y asina lo confirmaren depués Donal Lunny, Davy Spillane y compañía, ún de los conciertos estrella del festival. Read more »
La Grand Parade, el Gran Desfile de los Países Celtes que supón el momentu estelar de la primer fin de selmana en Lorient cuayó penrriba l’orbayu que presidió una gran parte del Desfile y la lluvia qu’entamó no postrero la mañana. Los paragües ficieron compaña a les gaites y les bombardes nuna xornada na que l’ésitu de púbicu nun se recordaba en Lorient.
Loreena McKennit ufrió na nueche del sábadu un conciertu memorable con cuatro mil persones aplaudiéndola a cada pallabra y cada canción y ella respondiendo cola mesma afabilidá, premiando esa entrega con dos bises que cumplieron les espectatives del públicu. Read more »
Con una actuación perbona y aplaudida, el llavianés Pablo Carrera foi’l primeru de los asturianos nel Mac Crimmon d’esti añu, pero nun pudo pasar del tercer puestu pesie a la calidá de la so interpretación y a la teórica desventaxa de tocar nel últimu llugar. Tolos vídios del Troféu puen vese nel Canal You Tube del Festival del Lorient.
El gaiteru gallegu Pablo Devigo ganó’l Troféu Mac Crimmon 2008 nel Festival de Lorient depués d’una de les ediciones más competitives que viviera esti veteranu concursu internacional de Gaita gallega y asturiana. Tres d’elli quedaren clasificaos el tamién gallegu Alberto Coya y los asturianos Pablo Carrera y Marco Antonio Guardado, qu’otra vuelta queda nel cuartu llugar, depués de la so sesta participación nesti Troféu. Read more »
Les nueches de la Carpa asturiana entamaron a ser animaes dende’l primer día del Festival por mor de les actuaciones de la Bandina La Curuxa y los miembros del grupu Escontra’l Raigañu qu’alendaron les actuaciones con bailles a los qu’invitarona a participar a tolos presentes.
Celtas Cortos ufrió una perbona actuación nel estrenu del Espace Marine na programación del Festival de Lorient 2008. Acompaños polos galeses de Sibrydion, qu’amosaron la so calidá con un rock frescu que contautó col públicu dende’l primer momentu, la banda de Jesús Cifuentes dió una llección de profesionalidá nel escenariu y ufrió un espectáculu completu nel que tolos componentes de la banda s’entregaron a un públicu tamién entregáu.
El primer día del Festival Intercélticu de Lorient, esti vienres día 1 d’agostu, que s’espera enforma soleyeru, arranca davezu con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20 hores, en Port de Péche, dase’l pistoletazu al Festival 2008 con una xinta popular xunta la mar y a partir de les 22 hores nel Espace Marine, podrá disfrutase de los Celtas Cortos. Read more »
